"Азаттыктын" журналисти. Касым Тыныстанов атындагы Ысык-Көл мамлекеттик университетинин журналистика бөлүмүн аяктаган.
Украинанын Северодонецк шаары үчүн айыгышкан салгылаш уланууда. Калаада суу жок, гуманитардык кризис жайылууда. Киев майданда күнүнө 100-200гө чейин аскерин жоготуп атканын билдирди. Адам укуктарынын эл аралык уюмдары Кыргызстанга берген 1311 сунуштун көбү аткарылбай жатат.
Өзгөчө кырдаалдар министрлигинин Беловодское айылындагы аскер бөлүгүндө жоокерди сабаган прапорщик камакка алынды.
Украина куралдуу күчтөрүнүн Башкы штабы аскерлер Северодонецк шаарын “эрдик менен коргоп” атышканын билдирди. Табарсыгы жарылып кеткенге чейин сабалган жоокердин ишин аскер прокуратурасы иликтей баштады. Temirov LIVE каналынын журналистинин интимдик видеосунун таралышы боюнча иш кайра каралат.
Орусиянын армиясы Украинадагы сексуалдык зордук-зомбулукту токтотушу керек. Акыйкатчыга жардам сурап кайрылгандардын көбү милиция, прокуратура, сот органдарына нааразы. Базар-Коргон райондук калкты тейлөө борборуна документ бүткөрүүгө келгендер кезекке түнкү саат үчтөн баштап турат.
Кыргыз өкмөтү кумшекерди сыртка чыгарууга жарым жылга чектөө киргизди. Акыркы кезде анын килограммы 100 сомго чыкты. Украинадагы согуштун кесепети, кургакчылык дүйнө жүзүндө тамак-аш баасына таасир эткени, анын эпкини Кыргызстанды да кыйгап өтпөгөнү айтылууда. Экономисттер мындай учурда ар бир өлкө өз өндүрүшүн өргө жылдырышы керектигин белгилешүүдө. "Азаттык" тамак-аш баасы карапайым элге кандай таасир эткенин билүү үчүн шаардыктарга микрофон сунду.
Мамлекеттик мүлктү башкаруу фонду Алмазбек Атамбаевдин Кой-Таштагы үйү карыларды дарылоо жайына айланарын билдирди. Сот мурдагы президенттин 20дан ашуун үй-мүлкүн, жер тилкесин жана башка байлыгын мамлекетке өткөрүүгө чечим чыгарган.
Бишкектин “Ынтымак” конушунда көп кабаттуу үйдүн курулушу башталды. Буга жергиликтүү тургундар нааразы. Жашоочулар жерде жарака барын, эки кабаттан өйдө үйлөрдү курууга мурда уруксат берилбегенин айтууда.
Жекшембиде өлтүрүлгөн Тоолуу Бадахшандын бейрасмий лидери Мамадбокир Мамадбокировдун тажыясы болду. Москвада бала багып жүргөн тестиер кызды мекенине алып келишет. Temirov Live каналы милициянын Болот Темировду "кармоо операциясын" иликтеди.
Улуттар Уюмунун баш катчысы Тоолуу Бадахшандагы кырдаалга тынчыздануусун билдирди. Украинанын чыгышындагы Донецк жана Луганск аймактарында Орусиянын армиясы 20-майда чабуулдарын күчөттү.
Тажикстандын Тоолуу Бадахшан аймагындагы "атайын операцияда" бийлик айткандан алда канча көп адам набыт кеткени маалым болду. Эл аралык Кызыл Чырым комитети Мариуполдогу “Азовсталдын” аймагынан чыгарылган жүздөгөн согуш туткунун каттай баштады.
Тажикстандын бийлиги Тоолуу Бадахшандагы "антитеррордук операция" маалында 1 офицер курман болуп, он бири жарадар болгонун билдирди. Алексей Ширшовдун маселеси кайрадан Жогорку Кеңеште көтөрүлдү.
"Азовсталь" заводунда эки айдан ашуун камоодо турган 264 украин аскери чыгарылды. Жала-Абад облусунун Терек-Сай айылында эски мектептин шыбы урап түшүп, 16 окуучу, мугалим жабыркады. Саламаттык сактоо министри Алымкадыр Бейшеналиевдин жактоочулары министрликтин алдына митингге чыкты.
Ысык-Көлдө жайкы туристтик сезон чоң масштабдагы көргөзмө-жармаңке менен башталып, анда өлкөдөгү туризмдин абалы талкууланды. Өкмөт быйыл бул тармакка өзгөчө көңүл буруларын, бул үчүн казынадан жылдагыдан көп каражат бөлүнгөнүн билдирди.
Зеленский куралдуу күчтөр өлкө түштүгүндөгү чабуулдардын мизин кайтарууга камданып жатканын деп билдирди. Саламаттык сактоо министри Алымкадыр Бейшеналиевдин орун басарлары анын кызматтан кетишин талап кылды. Германия Кыргызстандын 15 млн еврого чукул карызын кечти.
Бишкекте Улуу Жеңиштин урматына жарандардын жүрүшү башталды. Анын катышуучулары шаардын "Түштүк дарбазасына" топтолуп, Байтик баатыр көчөсү менен Жеңиш аянтына чейин жөө барышты. Аянтта митинг-реквием өттү.
Жайыл районунун тургуну, ардагер Виктор Стерликов согуш башталган 1941-жылы болгону 13 жашта эле. Атасы кан майданга кетип, кайтпай калганда үч карындашы, апасын карап калган үйдөгү жалгыз уул болгон. 17 жашка толгондо кызыл армиянын катарына кошулуп, жапондор менен урушка катышкан.
Ысык-Көл облусунун аймагына күн электр станциясын куруу башталды. “Бишкек-солар” компаниясы бул үчүн 300 млн. доллар керектеп, ага Британия, Кытай жана Казакстандан инвесторлор менен өнөктөштөрдү тарткан.
Мариуполь шаарындагы «Азовсталь» заводунда миңдеген аскер жана жайкын тургундар орус армиясынын курчоосунан чыга албай турат. Бишкектин Октябрь райондук соту Ысык-Көлдө төгүлгөн цианидден жабыркаган 54 адамдын "Кумтөр Голд компаниден" кенемте төлөтүү тууралуу арызын канааттандыруудан баш тартты.
Дагы жүктөңүз
